Þessi dúkur var vættur og látinn standa og allar krumpur hurfu.

Það virðist vera sama hversu vel maður straujar dúk, það leynast alltaf í þeim einhverjar krumpur sem er ómögulegt að ná úr að manni finnst. Svo eru auðvitað í þeim för eftir að þeir hafa legið samanbrotnir í skúffu um óákveðinn tíma. Besta ráðið við þessu er að leggja dúkinn á borðið daginn áður en að matar/kaffi-boðið er haldið, spreyja létt yfir hann með vatni, sérstaklega þar sem dúkurinn hangir fram af borðinu, og láta þyngdaraflið svo um það að slétta dúkinn yfir nóttina. Daginn eftir er svo hægt að leggja á borðið.