Heiðurinn af þessari hönnun á Arne Jacobsen.

Barcelona stóll Mies van der Rohe sem hannaður var fyrir heimsýninguna á Spáni 1929.

Minimalisminn í sinni tærustu mynd.

Svanurinn og eggið eru nú álitnir hönnunardýrgripir.

Hönnun Le Corbusier er orðin klassík.

Snyrtiborð með stórum hringlaga spegli í anda Art Deco.

Það sem einkennir modern stílinn fyrst og fremst er hversu rosalega ólíkur hann er þeim stílbrögðum sem áður höfðu þekkst. Þessu er að miklu leiti hægt að þakka nýrri framleiðslutækni og nýjum efnum sem komu fram eftir aldamótin 1900. Hönnuðir tóku þessum nýju möguleikum fagnandi og mikil gerjun átti sér í  hönnunargeiranum á þessum tíma. Á síðustu árum hefur borið á endurreisn Módernismans og nú er svo komið að hönnun "gömlu" meistaranna hefur aldrei verið vinsælli. Nöfn eins Mies van der Rohe, Arne Jacobsen, Mackintosh, Eileen Gray og Le Corbusier eru á hvers manns vörum og er það vel. Við skulum líta nánar á módernismann:

megin stefnur
Módernisminn hýsir fjölmargar undirstefnur og strauma en þær helstu eru Bauhaus, Minimalískir, Mission, Art Deco, Skandinavískir og Japanskir straumar.

megin fókus
Áhersla var lögð á hrein geómetrísk form, allur óþarfi  og prjál skorinn burt og línur hreinar. Form átti að endurspegla notkun og hönnunin miðaðist að því að það væri á auðveldan hátt hægt að fjöldaframleiða vöruna. Einkennandi litir eru svartur, hvítur, grár og svo einstaka frumlitur. Litasamsetningar voru oft á tíðum óvenjulegar.

megin áferðir
Krómað og burstað stál, ál, bólstrað leður og gler eru mjög algeng efni í hönnun þessa tíma. Ný efni eins og plast, plexigler og  matt eða háglans lakk áferð voru óspart notuð.

megin efni
Efnin voru einföld og snérust frekar um áferð en mynstur. Grófofin náttúruleg efni eins og hör og ull ásamt leðri  voru algengust en þau sem voru mynstruð á annað borð voru abstrakt, geómetrísk eða dýrafeldur. Gólfefni voru takmörkuð við háglansandi viðargólf eins og parket eða þá hálglansandi náttúrustein eins og marmara. Ef flísar voru notaðar voru þær líka teknar með háglans.

megin litir
Einkennandi fyrir þessa hönnun eru andstæðurnar hvítt og svart sem jafnvel er stillt upp á móti hvor öðrum. Einstaka litafletir með skærum frumlitum lífga upp á myndina ásamt óvenjulegum litasamsetningum. gott dæmi um það eru verk Mondrians sem hafa haft áhrif á margan hönnuðinn um miðja síðustu öld. Á seinni hluta aldarinnar fór að bera á sterkum "sýru" litum.

megin fylgihlutir
Fylgihlutir eru ekki notaðir í miklum mæli og alls ekki stillt upp af óþarfa. Hlutirnir eiga helst að vera nytjahlutir og húsgögnin voru oft hönnuð með það fyrir auga að vera skúlptúr í sjálfu sér. Stakt blóm, stórt og einfalt grafískt málverk, óvenjulegur skúlptúrískur lampi og gott dæmi um  austurlenska list væri allt sem þyrfti til að fullkomna rými í módernískum stíl.

tengt efni:

• Sveitastíll eða country
• Leiðir til að stílisera heimilið
• Áhrif ljóss á liti
• Karakter í litum - grænn
• Að hengja upp myndir
 

Þessi stóll Mackintosh er gott dæmi um Mission stílinn.