Þrennur eru auðveld leið til að gera mikið út litlu, svona vasi,
stakur með einu blómi, væri hálf asnalegur einn og sér en þegar
þeir eru orðnir 3 gegnir allt öðru máli.
Tveimur pörum stillt upp saman og aðeins leikið sér með hæðina á
stjökunum.
Á þessari mynd sjáum við bæði pör, oddatölur og speglun,
hlutföllin eru rétt og augað nemur þetta jafnvægi.
Eitt par af vösum með eins skreytingu gera mikið fyrir þetta horn.
Hér eru notuð pör af kertastjökum og tveir stakir hlutir með.
Þessir hlutir eru eins í útliti og sá sem fjærst stendur er
svipaður að hæð og stjakarnir á hinum endanum. Þess vegna gengur
þessi uppstilling upp.
Þegar notaðir eru stakir hlutir skal gæta þess að þeir séu nógu
stórir til þess að fylla út í rýmið sem þeim er ætlað og "týnist"
ekki.
|
Uppstillingar á smáhlutum eru tilvaldar til að fegra heimilið og
ódýrasta leiðin til að breyta aðeins til. Það þarf ekki að breyta
miklu eða kaupa allt nýtt til þess að lífga aðeins uppá umhverfið.
Ég hef áður minnst á mikilvægi þess að tryggja alltaf jafnvægi (
Harmony) í öllu sem stillt er upp og að stilla bara upp pörum eða
oddatölum. Speglun (Symmetry) er líka mikilvægt fyrirbæri hvað
þetta varðar en ég ætla að geyma það að sinni. Uppstillingar eru í
raun mjög nákvæm vísindi og það væri hægt að reikna sig að
hárnákvæmri niðurstöðu en við ætlum nú að láta okkur nægja augað.
Gott er að nota einhverja liti úr umhverfinu á þessum smáhlutum,
eins og t.d. að taka liti úr málverki, granítborðplötu, veggfóðri
eða einhverju álíka og leggja áherslu á þá með því að nota annað
hvort anstæðu þeirra eða litinn sem er við hliðina á þeim á
litahjólinu. Form, stærð og lögun hlutanna skiptir líka máli
og þeir þurfa að fylla uppí það rými sem þeim er ætlað.
Þetta er auðveldasta leiðin til uppstillingar á hlutum en ef þú
ert t.d. að safna einhverju og átt bara einn stakan hlut af hverju
þá gilda aðeins önnur lögmál sem ég skal fara í seinna. Ef þú ert
ekki viss hvort þér hafi tekist vel upp mæli ég með því að þú
takir mynd af uppstillingunni og þá er oft betra að sjá hvort hún
sé að virka eða ekki. tengt efni:
•
Myndir hengdar upp með borðum
•
Áhrif ljóss á liti
•
Leiðir til að stílisera heimilið
•
Að hengja upp myndir
•
Málað veggfóðursmynstur
•
Nútímastíll eða Módernismi
|
