Lítur út eins litlir konfektmolar.

Allt sem til þarf er að finna í venjulegum eldhúsum.

Ég hef voðalega gaman af glycerínsápunum sem ég bjó til handa gestum því að þær líta út eins og girnilegir konfektmolar í skál. Sápugerðin sjálf gæti ekki verið einfaldari. Maður kaupir hreinlega glycerínblokkir í föndurbúðum, brytjar þær niður og bræðir í örbylgjuofni

glycerínsápur

 Glycerínblokk (fæst t.d. Föndru)
Sápulitir eða örlítið af matarlit
Birkifræ
Sítrónubörkur þunnt sneiddur í ræmur
Appelsínubörkur þunnt sneiddur í ræmur
Klakaform ( Margar sniðugar gerðir fást í IKEA eins og t.d. bangsar, molar, krossar eða fingur )

 Bræðið glycerínblokkina samkvæmt leiðbeiningum á pakka. Skiptið í nokkrar skálar og blandið lit saman við. Hellið í formin og látið storkna. Til þess að fá lykt í sápuna er gott að setja nokkrar ræmur af sítrónu- eða appelsínuberki í hvert form. Til þess að fá góða og náttúrulega skrúbbsápu er gott að blanda svolítið af birkifræum saman við sápulögin áður en að honum er hellt í mótin. Ef ekki eru notuð gúmmí-klakaform þarf að smyrja þau að innan sem smá vaselíni á eyrnapinna, annars vilja sápurnar festast við.